حج کونسل کے قيام کى تجويز : کے رحمن خان

نئى دہلى، 31 جنورى (يو اين آئى) مرکزى وزير  برائے اقليتى امور کے رحمن خان نے آج يہاں وضاحت کى کہ عازمين حج کےلئے مليشيا کى طرز پر حج کونسل کے قيام کى تجويز وزيروں کے گروپ کے سامنے زير غور ہے، جس پر بہت جلد فيصلہ کئے جانے کى توقع ہے۔مسٹر رحمن خان نے يہاں يو اين آئى سے بات چيت کے دوران کہا کہ وزير خزانہ پى چدمبرم کى سربراہى والى وزيروں کے گروپ کے پاس حج کونسل کے قيام کا معاملہ زير غور ہے۔ وزارتى گروپ کى رضامندى ملنے کے بعد اسے مرکزى کابينہ ميں پيش کيا جائے گا، جس کى منظورى ملنے کے بعد اس پر عمل درآمد شروع کرديا جائے گا۔

انہوں نے کہا کہ مرکزى حکومت نے اس سلسلے ميں اسٹيٹ بنک آف انڈيا (ايس بى آئى) کے مارکيٹنگ ڈويژن کہ ايک پروجيکٹ تيار   کرنے کى ذمہ دارى سونپى ہے۔ اسى کى بنياد پر اس



اسکيم کو  پہلے وزارتى گروپ اور پھر کابينہ کى منظورى ملے گى۔

اقليتى امور کے وزير نے کہا کہ مليشيا کى طرز پر حج کونسل کے قيام کى منظورى ملنے کے بعد عازمين کے لئے حج کرنا بہت آسان ہوجائے گا۔ انہوں نے کہا کہ حج کونسل کے پروگرام کے تحت  ہر  عازم حج ہر ماہ کچھ  مقررہ رقم حکومت اور  غيرسرکارى تنظيموں (اين جى اوز)   کے توسط سے حکومت کے منظور شدہ ادارے ميں جمع کرائے گا اور جب عازم حج  کے اکاؤنٹ ميں سفر حج کے قابل رقم جمع ہوجائے گى، اسے سفر حج پر روانہ کرديا جائے گا۔انہوں نے کہا کہ حج کونسل کے قيام سے غريب اور کم بجٹ والے افراد بھى حکومت کى اسکيم کے تحت رقم جمع کرکے آسانى سے سفر حج کے لئے جاسکتے ہيں۔  انہوں نے اميد ظاہر کى کہ حج کونسل کے قيام کو بہت جلد منظورى مل جائے گى۔